Lorem ipsum dolor amet, consectetuer adipiscing elit. Aenean commodo ligula eget dolor massa. Cum sociis natoque penatibus et magnis dis parturient montes, nascetur ridiculus mus.

Baker

Follow Us:
Title Image

Wieërter 11-2021

De Wieërter 11 prizzentieërtj; ‘NE THOÊSWEDSTRIÊT!

Jehzieëker minse, gae huurtj t good, auch in 2021 es d’r ‘ne Wieërter 11. Helaas wêrktj tânte corona dit jaor nog neet mét, dus zultje dae lieëlik schoeëne stoet achter de ker d’r dit jaor zelf beej motte bedînke. Mér zeetj gerösj, det wiltj neet zégke det vae uch neet ‘t hieële Wieërter 11 geveul tot inne hoêskamer kinne brînge. Vae zölle uch óngerstaondj uutlégke wi-j dieës edisie in zien wêrk gieët.

Wi-j gezagdj make vae d’r dit jaor ‘ne thoêswedstriêt van. Daovör hebbe vae speciaal ‘Wieërter 11: dêrdje helft’-pakkette samegesteldj. Mét de aanschaf van dieës pakkette kinne vae uch verzieëkere dejjae ouch dít jaor zoeë dicht muuëgelik gaotj kaome beej de Wieërter 11 ervaring di-j dejje dae gewindj zeetj. En weem wetj hebbe vae maondjig 15 fibberwarie ouch nog wat vör uch in petto…

Mét de aanschaf van zoeë ’n ‘Wieërter 11: dêrdje helft’-pakket zörgtje d’r neet alleîn vör dejjae zélf ‘ne gewéldjige Wieërter 11 edisie belaeftj. Gae zörgtj daomej ouch vör ‘n finansjeele steûn inne rök van alle elf Wieërter 11-keffees! Want det ze det waal kinne gebroeëke, hoove ve uch neet mieër uut te légke, of waal?

Vae hebbe 2 échte thoêswedstriêt pakkette vör uch samegesteldj. Woeëbeej vae uch mér wat gaer métgeave det van ’t VIP-pakket neteurlik ’n groeëter beejdrage nao de keffee gieët. Woeë eur thoêswedstriêt uutrösting dan uut bestieët? En wi-jvöl eînmalige contributie dejje daovör motj aafdrage?

Wieërter 11 – dêrdje helft Bânkzitter pakket vör €22,00 contributie
– 11 unieke (vôl) fleskes beer;
– De Wieërter 11 2021 knipkaart;
– ’t Felbegieërdje en noow al legendarische (én historisch) Wieërter 11 speltje;
– Extra knoûwel… laotj uch verrasse!

Wieërter 11 – dêrdje helft VIP pakket vör €33,00 contributie
– 11 unieke (vôl) fleskes beer;
– De Wieërter 11 2021 knipkaart;
– ’t Felbegieërdje en noow al legendarische (én historisch) Wieërter 11 speltje;
– Iets um lekker te snuîke beej eur beer;
– ‘ne Lekkere schnaps um tussedoeër van te geneete;
– Nog völ mieër extra knoûwel… laotj uch verrasse!

Dus woeë wachtje nog op? Gaeftj uchzelf én alle elf Wieërter 11-keffees dét wérme vastelaovendjgeveul dét ze verdeêne! Zeetj d’r gaw beej want OP=OP en de wedstriêt stieët op ‘t pûnt van beginne.

Heejónger vingtjae ’t bestelformulier!

Bestel formulier

Mét doon aane Wieërter 11 2021? Völtj dan óngerstaondj bestelformulier in en kriegtj binne 24 oor ‘n betaalverzeuk towgesteurdj.
As dejje de betaling hetj voldoon, krieje ‘ne persuuënlikke mail mét ‘n waardebon en mieër informasie oeëver ‘t aafhale van de pakket(te).

Beej bestelling van 2 verschillendje pakkette, gaer de aantalle van eder pakket in ‘t bericht verneume.

Pakketkuuës
Dêrdje helft pakket bânkzitter €22Dêrdje helft pakket VIP €33


Aantal (Verplichtj)